real club celta de Vigo

inicio   rc celta  

 inicio   celta   liga   plantilla   balaídos   historia   celta b   enlaces   siareiros   ocio   vigo

       
         Nesta sección só pretendo da-la miña opinión, persoal e subxectiva, case sempre sen me apoiar en datos, estatística nin matemática, sobre aquilo que poida afectar  directa ou indirectamente ó Celta e, ás veces, a Vigo.

Non son o autor de Planeta Celta, só un colaborador, e o autor non ten por que estar necesariamente de acordo comigo (de feito, non o ha de estar moitas veces) nin, moito menos, verse afectado ou pagar as consecuencias do que eu escriba.

Serán, xa que logo, percepcións, sensacións e impresións persoais sen máis valor -nin menos- có que poidan ter as de calquera (profetas radiofónicos e televisivos incluídos); máis ou menos o que fai Armando Álvarez no Faro.

Se o gladiador da película ía á batallas dicindo strength and honour, despídome eu cun afouteza e corazón.

Pois iso.

 
  Volver a Noticias
 

23-11-09



  Máis igualdade?

 

 

   De todas las mujeres que haya en mi vida, niguna será menos que yo / De todos los hombres que haya en mi vida, ningunó será más que yo. Encomiable campaña... mais incompleta. Fáltalle engadir ó final de cada un destes lemas "nin máis / nin menos".

Inserida dentro dun pretendido progresismo, está campaña publicitaria esquece que a balanza ten dous lados. E non andamos sempre a dicir que cando se trata de impoñer algo acábase por consegui-lo efecto contrario ó desexado? De feito, xa teño lido pola rede o termo "feminazismo" para se referir a esta campaña e a outras máis sibilinas: anuncios ou escenas en series e películas nos que se ridiculiza, insulta e mesmo unha muller golpea a un home e ninguén di nada... cando se fose ó revés xa estaría montada unha gorda.

Cada vez que vexo cousas así non esquezo que o parlamento galego aprobou hai uns anos cos votos a favor do PP e do PSOE e mais coa connivencia cobarde e silencio cómplice do BNG unha iniciativa pola cal en calquera oposición ou concurso público o empate total a puntos entre un home e unha muller quedaba resolto... a prol da muller! É igualdade iso? Igualdade sería facerlle ós implicados o número abondo de probas obxectivas ata que o empate quedase desfeito, igual que se fai nas tandas de penalties nos deportes: seguen a tirar ata que alguén gaña.

Vóullelo contar ós meus fillos de contado (fillas non teño) para que vexan a igualdade que desfrutamos neste país.

Xa sei que non é políticamente correcto dicir todo o que acabo de expresar e que non vai gustar a moitos, pero había que deixalo claro. Tomémo-lo exemplo do artigo Revanchismo de género de Enrique Lynch publicado en El País o xoves 19 de novembro e o balbordo que se montou: o home ten razón no fondo pero pérdenlle as formas e os exemplos, e así lle saltou á xugular tódo o pelotón feminazi.
 

 

 
 

23-11-09



  Malo será

 

    Vistos os datos e números de Eusebio Sacristán parece que non aprendimos da experiencia do Alavés o da mala temporada 2008/09. Falta moito para que remate esta liga, así que malo será!!!